رحلة إبن الشام إلى الكفرون ومشتى الحلو

 الموافق في 22/4/2006 قررت مع اصدقائي انو نروح رحلة على الكفرون ومشتى الحلو فحبيت شاركن هي الرحلة من خلال بعض الصور فارجو الاستمتاع

اول شي بطريقنا للكفرون توقفنا عند بحيرة اسمها بحيرة الباسل وهي الصور الها

وبعد البحيرة الحلوة وفي الطريق توقفنا لتناول الفطور ودخلنا على غابة جميلة وفيها كتير من اشجار الكستنة

وبعد هل الغابة الرائعة توقفنا عند هل المنظر الجميل .....منظر البحر من بعيد

وبعدها رحنا على بحيرة اسمها مزرياب على ما اذكر وهل البحرة حلوة كتير لانو مياهها صافية وكبيرة

بعد هل البحيرة وصلنا على الكفرون وهي صورة لنهر بيمر فيها وفيه كتير بط واسماك ملونة والنهر صافي كتير

وبعدها توجهنا لمشتى الحلو القرية الرائعة ...... وهي صور من مشتى الحلو والمناظر الخلابة

وهي صورة مع ورود الربيع

وشوفو حلاوة المنظر ................ شي رائع ما هيك

وهي صورة بتبين بانو نحنا على مستوى الغيم

صورة لطريق جبلي تمنيت انو اوصلو بس للاسف

وبعدين قررنا الذهاب الى مغارة الضوايات والمغارة بيعود تاريخها 20 مليون سنة تخيلو عشرين مليون سنة ولحد الان تم فتح 10% من مساحتها فقط وكما قيل لي بان في السنة القادمة سيتم فتح ضعفيين حجمها الحالي وحجمها الحالي هو 600 متر . منظرها جميل بس الكاميرة ما بيتقدر توصل ولا 5 % من جمالها

بعد المغارة وفي طريق العودة توقفنا عند غابة رائعة ما بتسمع فيها غير صوت العصافيير .... وفيها حيوانات وحشرات غريبة

النهاية وصلنا لمنطقة صرنا فوق الغيم بس للاسف الكاميرا خلصت بطاريتها وزعلت كتير لانو راح هيك منظر بس انشالله في المرة الجاية وحبيبت اختم بهل الصورة الحلوة يلي بيبين فيها البحر وبتبين فيها اشعة الشمس من تحت الغيم صورة لازم اخد عليها شي جائزة